నిట్ ఎంబీఏ-2011 అడ్మిషన్ నోటిఫికేషన్
వరంగల్, న్యూస్‌లైన్: వరంగల్‌లోని నేషనల్ ఇనిస్టిట్యూట్ ఆఫ్ టెక్నాలజీ (నిట్) స్కూల్ ఆఫ్ మేనేజ్‌మెంట్‌లో ఎంబీఏ-2011లో ప్రవేశానికి అడ్మిషన్ నోటిఫికేషన్‌ను నిట్ డెరైక్టర్ ప్రొఫెసర్ వేముల రామారావు సోమవారం విడుదల చేశారు. ఇంజినీరింగ్ విద్యార్థుల కోసం నోటిఫికేషన్‌ను ప్రత్యేకంగా జారీ చేశారు. రెండేళ్ల ఎంబీఏ కోర్సులో ఫుల్‌టైమ్ మేనేజ్‌మెంట్ కోసం ఇంజినీరింగ్, టెక్నాలజీలో బ్యాచ్‌లర్ డిగ్రీ ప్రథమ శ్రేణిలో ఉత్తీర్ణులైన అభ్యర్థుల నుంచి దరఖాస్తులు కోరుతున్నారు. అభ్యర్థులను క్యాట్, జెమైట్, స్కోర్‌కార్డు కలిగి ఉండి గ్రూప్ డిస్కషన్, ఇంటర్వ్యూ ఆధారంగా అభ్యర్థుల ఎంపిక ఉంటుందన్నారు.
దరఖాస్తులు, ఇతర వివరాలను అభ్యర్థులు డబ్ల్యూ.డబ్ల్యూ.డబ్ల్యూ.ఎసి.ఇన్‌లో నుంచి డౌన్‌లోడ్ చేసుకోవచ్చని ఆయన సూచించారు. అభ్యర్థులు మార్చి 21వ తేదీలోగా దరఖాస్తులు చేసుకోవాలని నిట్ స్కూల్ ఆఫ్ బిజినెస్ మేనేజ్‌మెంట్ హెడ్ డాక్టర్ రవీందర్‌రెడ్డి తెలిపారు. ఎంబీఏ-2011 అడ్మిషన్‌కోసం భోపాల్‌లోని మౌలానా ఆజాద్ నేషనల్ ఇనిస్టిట్యూట్ ఆఫ్ టెక్నాలజీ (నిట్)లో అభ్యర్థులకు గ్రూప్ డిస్కషన్, పర్సనల్ ఇంటర్వ్యూ కోసం ఒక బ్రాంచ్‌ను ఏర్పాటు చేస్తున్నట్లు ఆయన సూచించారు. నిట్ వరంగల్ స్కూల్ ఆఫ్ మేనేజ్‌మెంట్‌లో మొత్తం 62 ఎంబీఏ సీట్లున్నాయని, ఒక్కోవిద్యార్థి ఏటా రూ. లక్షా 25వేల ఫీజు చెల్లించాల్సి ఉంటుందన్నారు.
|
|
|
|---|
